Миколай у штирох сримских парохийох

БЕРКАСОВО/БИКИЧ/ШИД/БАЧИНЦИ – З нагоди швета Святого Миколая, святитель всоботу пред вечаром нащивел Беркасово, Бикич и Шид, а внєдзелю и Бачинци.

У бикичскей церкви Миколая перше дочекали дзеци и парох о. Владимир Еделински Миколка и по пригодней програми, Миколай дзецом подзелєл коло 40 пакецики.

Драга Миколая потим одведла до церкви у Беркасове, дзе го з рецитациями привитали дзеци, тиж з парохом Еделинскийом, и у Беркасове Миколай подзелєл 18 пакецики.

Всоботу вечар Миколая у церкви у Шидзе дочекали парох о. Михайло Режак и виронаучни дзеци, котри з тей нагоди рецитовали, а Миколай им подзелєл 40 пакецики.

Вчера, по Служби Божей, хтору служел парох о. Дарко Рац, у церкви у Бачинцох Святи Миколай у Церковней сали дзецом подзелєл коло 20 пакецики.

Миколай у Бикичу, у ґалери и у Беркасове и Шидзе, а у Бачинцох по дзелєню дарункох присутни присуствали на промоциї кнїжкох Дюру Лїкара