СУБОТИЦА – Вчера у Суботици отримана Служба Божа, хтору ше отримує кажду останю нєдзелю у мешацу, а з тей нагоди була и шветочна, понеже є отримана на Треци дзень Крачуна. Службу служел керестурски парох о. Михайло Малацко, а зоз своїм шпиваньом ю прикрашели члени Мишаного хору керестурского Дому култури и Катедралней церкви, як и шестри служебнїци. На концу Служби було мированє и подзелєни проскурки.
Домашнї з Дружтва Руснацох у Суботици госцом пририхтали закуску и ошвиженє, а подзековали и монахом францисканцом, котри од 2003. року дзечнє дошлєбодзую же би ше у малей каплїчки у Францисканскей церкви служело Служба Божу за грекокатолїкох у Суботици.
Присутни вирни обишли и вертеп у Францисканскей церкви.
