РУСКИ КЕРЕСТУР – Традицийни каритасов Крачунски вашар отиримани внєдзелю, 15. децембра у виронаучней сали од 8-13 годзин.
Як визначела волонтерка Каритасу и орґанизаторка Крачунского вашару Ясмина Надь, тогорочни вашар удатнєйши як прешлого року. На тогорочним вашару участвовали 29. викладаче зоз Кули, Нового Саду, Коцура, и домашнї зоз Керестура.
Окрем крачунских прикраскох на вашару ше могло найсц и колачи, бобальки, маку, а млади волонтере Каритасу предавали яблуков есенц котри сами випродуковали. Викладателє, як гварела Надьова пошли дому задовольни.
Добродзечни средства котри ше назберали того року ше унапрямя за купованє вилїйовей вечери (риби), котру волонтере Каритасу буду розношиц наиходзацих дньох. Друга акция орґанизована того року було зберанє помоци за Дом за дзеци „Колїскаˮ зоз Суботици, на котру ше тиж так велї керестурци одволали.
