НОВИ САД – Нова цепларня Маєвица, отворена вчера, 29. децембра, сообщене зоз кабинету городоначальнїка, а слово о першей нововибудованей цепларнї у городзе од 1983. року.
На отвераню, городоначалнїк Нового Саду Жарко Мичин, визначел же то єдно з найсучаснейших пошореньох у Европи и гварел же то историйна подїя за Нови Сад, бо после 40 роки отворена нова цепларня Маєвица. Зоз тим проєктом ше прави значни крочай у розвою системи зозгриваня на далєко, хтори ше будує плановано и одвичательно. У тей хвильки ше зогрива коло 7 тисячи квартелї, а у будучносци будзе зогривац 20.000 обисца, гварел городоначалнїк Мичин.