НОВИ САД – Управни одбор Заводу за културу войводянских Руснацох на своєй 31. порядней схадзки хтора отримана пондзелок, 29. децембра у шедзиску тей инстируциї у Матици сербскей 15 у Новим Садзе, принєсол одлуки о Финансийним плану и Програми роботи Заводу за културу за 2026. рок.
По прилапеним Финансийним плану, Завод у 2026. року рахує на 13,5 милиони динари з буджету АП Войводини. Половка пенєжу наменєна за порядне функционованє Заводу – плаци и надополнєня и порядни трошки и отримованє, док половка предвидзена за програмски активносци.
Ґу тому, на дньовим шоре схадзки хтору водзел предсидатель УО Заводу Серґей Тамаш, окрем прилапйованя записнїкох зоз прешлих схадзкох, прилапени вименки Плану явней набавки и набавки на хтори ше закон нє применює за 2025. рок, як и План явних набавкох и набавкох на хтори ше закон нє применює за 2026. рок.