НОВИ САД – У дньовим термину на ютре, 31. децембра будзе орґанизовани дочек дзецинского Нового року на Манифестациї Лядови лєс.
Програма у форми городского карневала почнє на 10 годзин при Змай Йововим памятнїку. Учашнїкох на карневалу и дзеци дочекаю Хаос аниматоре и артисти на караґульох зоз Центру за виводзацку уметносц Омая.
На 10:30 процесия руши по Дунайскей улїци до Дунайского парку дзе на бини на 11 годзин наступи мадїоничар Лука.
На 12 годзин зоз Дунайского парку и Лядового лєса буду пущени балони, а децински дочек Нового року ше предлужи зоз Новорочним концертом Дуо Сенса, на хторим годни участвовац и дзеци и родичи.
Дзешата манифестация Лядови лєс отворена 18. децембра и будзе тирвац по 18. януар 2026. року. Роботни час шлїзкалїща 31. децембра будзе од 9 до 18:30 годзин, а 1. януара будзе од 11 до 22:30 годзин. Термини шлїзканя и други информациї мож опатриц на сайту Лядови лєс.
