НОВИ САД – У двацец шестим чишлє новинох „Руске слово” у рубрики Тижньовнїк текст о схадзки у Министерстве просвити у Беоґрадзе о видаваню учебнїкох на язикох националних меншинох и о схадзки Роботного цела за младих.
У рубрики Нашо места текст о першей самостойней вистави подобових роботох Єлени Дудаш у просторийох Етна клуба „Одняте од забуца” у Коцуре. У рубрики Економия текст о жатви и цени жита и о продукциї и урожаю кайсох у Руским Керестуре.
У рубрики Култура и просвита текст о резултатох закончуюцого испиту, ту и тексти о премиєри интерактивней представи за дзеци „Инсталуй и ти Дїдов GPT” РНТ „Петро Ризнич Дядя”, и о манифестациї „Пришли нам Русадля”, хтору орґанизує КПД „Иван Котляревски” з Бикичу.
У рубрики Людзе, роки, живот представени Бошко Брзич з Будисави, а Наша госцинска: Штефания Мария Бесерминї.
У рубрики Спорт текст о змаганю у одбойки на писку, хторе у рамикох 33. Спортских бавискох „Яша Баков” було на Паличу, о фодбалских стретнуцох младший катеґорийох Фодбалского клуба „Русин у Руским Керестуре и о лєтних базенох Центра за физичну културу у Вербаше.
У рубрики Литературне слово преставена поезия авторох Литературней ґрупи „Вишивка“, чийо члени римски семинаристи родом з Руского Керестура и Коцура, хтори творели штредком седемдзешатих рокох прешлого стороча.
Як додаток вишло Литературне слово.