НОВИ САД – Нєшка вишло нове, октоберске число часопису МАК, хторому „У фокусу” гармоникаш Иван Лїкар з Миклошевцох, як и МАК-ово млади сотруднїки Йована Ноґавица и Себастиян Надь з Руского Керестура. Ту и вистки о двох нових кнїжкох и о тогорочней мултимедиялней манифестациї младих „Дньовка”.
„Упечатки” преноша искуства бувших студентох хтори доставали студентски кредити, а у тей рубрики и звит з музичного вечара „Акустика Рутеника”, хтори концом септембра отримани у Новим Садзе.
„Швет науки и технолоґиї”, медзи иншим, пише о проєкту двох керестурских матурантох, „Спорт и рекреация” представя спортисту Деяна Будинския з Керестура, а у рубрики „З МАК-овей архиви” интервю з фодбалером Любомиром Фейсом, хтори у МАК-у бул обявени 2009. року.
У рубрики „Власни печац” представена Ана Рац з Керестура, хторей фотоґрафия гоби.