БАЧИНЦИ – У Доме култури на пияток, 16. октобра, з початком на 18 годзин, будзе отримана друга културна програма „Вочи святому Лукови” хтору орґанизує КПД „Драґутин Драґен Колєсар”.
У програми наступя школяре хтори уча руски язик з елементами националней култури як виборни предмет у основних школох у општини Шид при наставнїци Наташи Еделински Миколка.
Тиж будзе участвовац и младша танєчна ґрупа КУД „Младосц” зоз Бачинцох зоз сербскима танцами.
Буду участвовац и шпивацка ґрупа КПД „Дюра Киш” Шид и КПД „Драґутин Драґен Колєсар”, а наступи и драмски уметнїк Владимир Балащак зоз Сримскей Митровици.