БЕОҐРАД – Републична виберанкова комисия преглашела першу лїстину рускей националней меншини котра будзе участвовац на наиходзацих виберанкох за национални совити.
Лїстину придала Ґрупа виберачох Руснаци вєдно, будзе ношиц назву „Руснаци вєдно”, перша на лїстини Рената Вуясинович, дипл. филолоґ зоз Лалитю, други Владимир Олеяр, маст. менаджер зоз Руского Керестура, а треци Славиша Сабадош, дипл. економиста зоз Нового Саду.
Надалєй на лїстини ше находзи Илонка Зарубица, фитнес тренер зоз Руского Керестура, Иґор Барна, дипл. правнїк зоз Дюрдьова, Деян Бобаль, дипл. инж. польопривреди зоз Бикич Долу, Мелания Кочиш, просвитна роботнїца зоз Коцура, Михайло Пашо, технїчар друкованя зоз Руского Керестура, Владимир Надь, театрални режисер зоз Руского Керестура, Славица Видович, професорка класней настави зоз Бачинцох,
На єденастим месце Звонко Сабадош, музични виводзач зоз Руского Керестура, потим Ванеса Николич, прехрамбени технїчар зоз Кули, Мартица Тамаш, новинарка/редакторка зоз Вербасу, Михайло Киш, дипл. економиста зоз Нового Саду, Ребека Гарди, комерциялиста зоз Коцура, Александра Мравик, студентка зоз Кули, Сенка Мученски, професорка класней настави зоз Нового Саду, Елемир Джуджар, дипл. менаджер зоз Нового Саду, и Мирон Рамач, професор историї зоз Руского Керестура.
На наиходзацих виберанкох за нове зволанє Националного совиту рускей националней меншини котри буду отримани 8. новембра, тота лїстина ше будзе находзиц под числом 1.