ДЮРДЬОВ – Всоботу, 10. октобра на грекокатолїцким теметове була панахида зоз пошвецаньом гробного места и надгробней плочи покойного Михала Лїкара (1954–2021).
Панахиду Служел о. Борис Холошняй, а з нїм шпивали о. Михаил Холошняй и членїци дакедишнєй Шпивацкей ґрупи котру у Културно-уметнїцким дружтве „Тарас Шевченко” учел шпивац Михал Лїкар.
После панахиди бул сход на хторим ше присутни у дюрдьовским Дружтве здогадли на Михала Лїкара, хтори бул секретар у Дружтве, а потим и дулогорочни успишни уметнїцки руководитель шпивацким ґрупом, солистом и оркестру, чийо наступи остали замерковани. У тим Дружтве дїловал и бул активни вецей як пейдзешат роки. З тей нагоди, а на чесц музичному дїячови котри свой живот пошвецел музики и єй твореню, Шпивацка ґрупа, котра при ньому почала шпивац 1980-тих рокох одшпивала вецей руски народни шпиванки.
Надгробну плочу помогли поставиц його блїски приятелє, члени КУД „Тарас Шевченко”, валачанє и родзина, а поставена є даскельо днї пред панахиду на инисциятиву пазионерох и старших котри ше сходза и дружа у дюрдьовским Дружтве.
