БЕОҐРАД – Републична виберанкова комисия преглашела и трецу лїстину рускей националней меншини котра будзе участвoвац на наиходзацих виберанкох за национални совити.
Лїстину придала Ґрупа виберачох „Нови часи – нови людзе” котра будзе ношиц назву „На габи пременки”. Перши на нєй проф. др Александер Мудри, професор руского язика зоз Руского Керестура, друга Ана-Мария Рац, професорка руского язика зоз Нового Саду, а треци Михаил Дудаш, бувши спортиста зоз Беоґраду.
Потим, шлїдза Александра Деянович, професорка руского язика зоз Вербасу, Александар Планкош, маґистер фармациї-медицински биохемичар зоз Руского Керестура, Марина Тодич, студентка зоз Коцура, Оля Ґнип, архитектка зоз Дюрдьова.
Надалєй, на дзевятим месце Себастиян Няради, дипломовани филолоґ зоз Руского Керестура, та Наташа Варґа, воспитачка зоз Руского Керестура, Михайло Ковач, студент зоз Нового Саду, Ксения Палатинус, пензионерка зоз Суботици, и Тамара Сабо, дипл. фармацеутка-медицинска биохемичарка зоз Вербасу.
Штернасте место на лїстини Тарас Чапко, ленийски надпатрач транспорту ґазу зоз Дюрдьова, за нїм Петро Голик, дипломовани музичар зоз Нового Саду, та Каролина Джуджар, професорка руского язика и култури зоз Руского Керестура.
Деян Павлович, наукови виглєдовач зоз Руского Керестура, Сандра Бучко доцентка зоз Нового Саду, а дзеветнасти Никола Дорокхази, роботнїк зоз Коцура.
На наиходзацих виберанкох за нове зволанє Националного совиту рускей националней меншини котри буду отримани 8. новембра, тота лїстина ше будзе находзиц под числом 3. на гласацких лїсткох.