Горвати у Сербиї преславели Националне швето

автор зам
1.1k Опатрене

ПЕТРОВАРАДИН/НОВИ САД – У Петроварадину и у Новим Садзе горватска национална меншина у Сербиї пондзелок, 16. октобра, преславела єдно зоз своїх штирох службених националних шветох – Дзень народзеня бана Йосипа Єлачича, котри народзени у Петроварадину 16. октобра 1801. року.

Означованє Дня народзеня бана Йосипа Єлачича почало зоз Шветочну Службу Божу у Церкви св. Юря у Петроварадину, дзе Йосип Єлачич бул покресцени, а попри представительох Националного совиту Горватох у Сербиї и других госцох, присуствовали и представителє Петроварадину, Городу Нови Сад, АП Войводини, Сербиї и Горватскей.

Исти дзень вечар, у амфитеатре СПЦ „Войводина” отримана Шветочна академия, на хторей присуствовал и покраїнски секретар за културу, явне информованє и одношеня з вирскима заєднїцами Мирослав Штаткич зоз сотруднїками, котри з тей нагоди гварел же очуванє култури, обичайох, писма и язика каждей националней заєднїци у Сербиї, та з тим и у Войводини, ма вельке значенє.

3-Horvati-02

Присутних на Академиї привитали предсидатель Националного совиту Горватох у Сербиї Славен Бечич, Петар Пифат з Горватскей културней ради, нови амбасадор Горватскей у Сербиї Ґордан Бакота и державни секретар Уряду за Горватох звонка Горватскей Звонко Милас.

Пред означованьом швета обявене же Влада Сербиї видвоєла средства за обнову родней хижи Йосипа Єлачича у Петроварадину, дзе будзе його спомин-дом, а бешеднїки на шветочносци визначели же и то будзе єдно значне место за зазберованє Горватох и очуванє їх идентитету, алє и крочай напредок у запровадзованю добрих одношеньох медзи Сербию и Горватску.

ПОВЯЗАНИ ТЕКСТИ