МУКАЧОВ (УКРАЇНА) – У Мукачеве, у церкви св. Кирила и Методия, на швето Успения, 15. авґуста, два шестри Служебнїци – ш. Доминика-Маряна Биба и ш. Анастасия-Марта Ришко, дали свою вичну пришагу жиц свой монашески живот у Заєднїци шестрох Служебнїцох Непорочней Дїви Мариї, у провинциї св. Йосифа котрей шедзиско у Руским Керестуре.
Тота значна подїя отримана под час Служби Божей хтору зоз велїма священїками предводзел владика Мукачевскей грекокатолїцкей епархиї Нил Лущак, а у присустве велїх шестрох на чолє з провинциялну ш. Мартину Кмита, як и фамелиями и родзину шестрох.
Обидва шестри свою монашеску службу и далєй буду окончовац у рижних манастирох у своєй провинциї хтора ма свойо доми окрем у Сербиї и у України, як и мисиї у Нємецкей и Риме.
