КОЦУР – Вчера, 26. фебруара, у Велькей сали Месней заєднїци Коцур, у орґанизациї Землєдїлскей задруґи (ЗЗ) „Либела продукт“, закончена сезона преподаваньох за коцурских польопривредних продуковательох.
Инжинєр польопривреди Любиша Елесин зоз Польопривредного подприємства „Синджента“ отримал презентацию продуктох и совитовал коцурских польопривреднїкох о справованю польопривредних културох у сезони пред нами и вплїву хвилї на нїх, насампредз кукурици, слунечнїку и жита котри найзаступенши у коцурским хотаре.
Представени и файти нашеньох котри у своєй палети ма подприємство „Синджента“, а Любиша Елесин присутних упознал и зоз розликами медзи одредзенима файтами нашеньох и посовитовал Коцурцох котри култури лєпше подноша сушу, а хтори даваю лєпши род кед дижджовни рок. Окрем файтох нашеньох, на презентациї були представени и рижни гербициди, фунґициди и инсектициди котри понука тото подприємство.
Пре подлу хвилю у сали Месней заєднїци нє було вельо нащивительох як на предходних презентацийох.
Презентация польопривредного подприємства „Синджента“ було остатнє преподаванє котре за тоту сезону орґанизовала ЗЗ „Либела продукт“.