БЕОҐРАД – У идуцих тижньох Министерство польопривреди понукнє концепт помоци сербскей польопривреди за елиминованє пошлїдкох суши, а то будзе през материялни даваня и прейґ дїловних банкох, наявел вчера министер польопривреди Бранислава Недимович.
Недимович за „Новосци” виявел же вельо важнєйше зопрец таки ситуациї през системи за наводньованє и процивкаменцову защиту, електрификацию и осиґуранє.
Єден з ризикох после суши и зявенє афлатоксину, та продукователє о тим на час спозорени, гварел Недимович.
Медзитим, министер надпомнул и же польопривреднїки питаю пенєжи после суши, а кед рок добри, нїхто ше нє пита чи треба дацо уплациц до буджету.