Безплатни препатрунки скори и у Вербаше

автор апм/ядю
1.1k Опатрене

ВЕРБАС/СЕРБИЯ – З нагоди Националней кампанї „Еуромеланома 2018”, у хторей и того року участвує Общи шпиталь Вербас, буду окончовани безплатни препатрунки вчасного одкриваня тумору скори у 27 городох у Сербиї, у вкупно 58 здравствених установох.

Кампаня „Европа ма проблем з тумором скори” ма циль дзвигнуц свидомосц жительства о тим проблему. У Сербиї слоґан глаши „Сербия ма проблем з тумором скори”, та и того року предлужена робота на забрани хаснованя солариюму за особи младши од 18 роки, на спозорйованє о чкодлївосци УВ зарйованя и на совитованю як скору найлєпше защициц од слунка.

Пре заказани препатрунки прейґ Националного кол центру, будзе и вименки у роботи Дерматовенеролоґийней амбуланти. Буду прияти лєм напредок заказани пациєнти прейґ ИЗИС-у, а контролни препатрунки нє буду окончовани пре кампаню.

ПОВЯЗАНИ ТЕКСТИ