Отримана промоция кнїжки Оксани Тимко Дїтко

автор звк/маф
978 Опатрене

 

ЗАҐРЕБ (ГОРВАТСКА) – У орґанизациї Представителя Рускей националенй меншини Городу Заґребу Иринея Мудрия и Союзу Русинох Републики Горватскей, у главним городзе Горватскей всоботу, 14. октобра отримана промоция кнїжки „Назви рошлїнох и животиньох у руским язику” др Оксани Тимко Дїтко.

Присутних на промоциї привитал Ириней Мудри, о кнїжки бешедовала єй редакторка Вера Повлович, котра наглашела же кнїжка барз важна за руску националну меншину, а свою роботу представела и сама авторка др Тимко Дїткова.

10-Timko-02

У културно-уметнїцкей часци програми наступели Хлопска шпивацка ґрупа КУД „Яким Гарди” з Петровцох и оркестер КУД „Осиф Костелник” з Вуковару.

На промоциї присуствовали и член Совиту за национални меншини Републики Горватскей Звонко Костелник и подпредсидатель Союзу Русинох Републики Горватскей Владо Русин.

ПОВЯЗАНИ ТЕКСТИ