НОВИ САД – На соботу, 18. новембра, у новосадскей церкви св. апостолох Петра и Павла на 10 годзин будзе заупокойна Служба Божа зоз хованьом протоєрея ставрофора о. др Романа Миза.
Пред тим, од 8 до 10 годзин, уж мож присц до церкви помодлїц ше при труни за покойного о. Романа Миза и виявиц сочувствиє фамелиї. После Служби у Новим Садзе, хованє будзе предлужене на 14 годзин на теметове у Руским Керестуре.
О. др Роман Миз ше упокоєл пондзелок, 13. новембра, у своїм 86. року живота.