НОВИ САД – Осма Авто-мото берза будзе од пиятку по нєдзелю, од 4. по 6. сепрембер на Новосадским сайме у орґанизациї Союзу вожачох Войводини и Новосадского сайма як суорґанизатора.
Нащивителє Авто-мото берзи годни поопатрац нови превозки, половни авта, моторки, квади, часци и опрему за превозки, олдтаймери, алє и модификовани превозки.
На програми ше представя авто-мото клуби и здруженя, а наявена и вистава олдтаймерох, макетох, бавискох… Тиж наявени и окремни атракциї, суперавтомобили у орґанизациї ҐТ Сербия, вистава камионох, як и дрифт автомобилох, дефиле моторкашох и музична програма.
Авто-мото берзу орґанизує Союз вожачох Войводини, суорґанизатор Новосадски саям зоз потримовку городских и покраїнских институцийох и Министерства туризму и младежи.
Роботни час сайма на пияток од 12 до 18 годзин, на соботу од 9 до 20 годзин, а на нєдзелю саям будзе робиц од 9 до 18 годзин.
Дньова уходнїца на каси Новосадского сайма 800 динари.