БЕОҐРАД – Вовторок, 11. авґуста у Палати Сербия у Беоґрадзе отримана конститутивна схадзка Координацийного цела за запровадзованє Акцийного плану за витворйованє правох националних меншинох за период од 2026. по 2029. рок.
Зоз схадзку предшедовал министер за людски и меншински права и дружтвени диялоґ Демо Бериша, а присутни були и компетентни представнїки державних орґанох, як и представнїки националних совитох националних меншинох, а спред Националного совиту рускей националней меншини бул проф. др Михайло Фейса.
На дньовим шоре було прилапйованє Дїловнїка о роботи Координацийного цела за провадзенє запровадзованя Акцийного плану за витворйованє правох националних меншинох за период од 2026. по 2029. рок, як и прилапйованє Методолоґиї подношеня звитох и запровадзованя плану за витворйованє правох националних меншинох за период од 2026. по 2029. рок, а на концу була и кратка дискусия под точку рижне.