БЕОҐРАД – Предсидатель Републики Сербиї Александар Вучич вчера подписал одлуку о розпущованю актуалного зволаня Народней скупштини Републики Сербиї, як и одлуку о розписованю позарядових парламентарних виберанкох хтори буду отримани на нєдзелю, 25. октобра 2026. року.
Спрам законскей процедури, предклад одлуки о розпущованю Народней скупштини принєсла Влада Сербиї на позарядовей схадзки хтора отримана пондзелок, 7. септембра, и доручела ю предсидательови Републики хтори по функциї ма тоти законски инґеренциї.
По закону, од дня розписованя по дзень отримованя виберанкох нє шме прейсц менєй як 45, анї вецей як 60 днї, так же остатня октоберска нєдзеля сполнює тоти параметри.