БЕОҐРАД – Републичнa виберанковa комисия преглашела ище три виберанково лїстини.
Преглашена виберанкова лїстина Студентска лїстина – Студенти победзую, хтору поднєсла Ґрупа гражданох Студентска лїстина – Студенти победзую за виберанки за народних посланїкох Народней скупштини. На гласацких лїсткох тота лїстина будзе зоз числом три (3.). Ґрупа гражданох Студентска лїстина – Студенти победзую придала лїстину на хторей 250 кандидати за народних посланїкох, вовторок, 15. септембра.
Преглашена виберанкова лїстина Расим Ляїч – Людски (СДП-ЦДП) у статусу меншинскей лїстини, хтору придала коалиция Санджацкей демократскей партиї и Чарногорскей демократскей партиї за виберанки за народних посланїкох Народней скупштини. На гласацких лїсткох тота лїстина будзе зоз числом штири (4.). Коалиция Санджацкей демократскей партиї и Чарногорскей демократскей партиї придала лїстину на хторей 250 кандидати за народних посланїкох, вовторок, 15. септембра.
Преглашена и виберанкова лїстина Союз войводянских мадярох – др Балинт Пастор (Vajdasági Magyar Szövetség – Dr. Pásztor Bálint) у статусу меншинскей лїстини, хтору придал Союз войводянских мадярох за виберанки за народних посланїкох Народней скупштини. На гласацких лїсткох тота лїстина будзе зоз числом пейц (5.). Политична странка Союз войводянских мадярох придала лїстину на хторей 250 кандидати за народних посланїкох, вовторок, 15. септембра.
Позарядово парламентарни виберанки розписани за 25. октобер.