РУСКИ КЕРЕСТУР – У найновшим, 38. числу новинох „Руске слово”, у рубрики Тижньовнїк мож дознац информациї о наиходзацих парламентарних виберанкох.
На бокох Нашо места написи о новим бавилїщу за дзеци на керестурским Ярашу и новей уредби о електричних бициґлох. Економия приноши розгварку зоз проф. др Драґану Латкович, як и о сезони обераня паприґи. Духовни живот, медзи иншим, пише о Кирбаю у Малих шестрох Исусових, а ту и розгварку зоз о. Владимиром Маґочом, дакедишнїм парохом у Петровцох.
На бокох Култури и просвити звит зоз означованя 150 рокох читальнї у Руским Керестуре. У рубрики Людзе, роки, живот стретнуце зоз Невенку Бажик зоз Шиду, а боки Дружтво понукаю єденасте предлуженє фельтону о кнїжки „Як гуторя дїдове, швет бул давно иншаки”, хтору написал о. Владимир Еделински Миколка.
На Спорту зазначени резултати фодбалских клубох зоз наших местох, а рубрика Горуци тепши понука совити за змарзованє желєняви за жиму.
У тим чишлє як додатки вишли Дом и фамелия и Руске словечко.