БЕОҐРАД – Понеже тих дньох дзепоєдни политични партиї од Министерства польопривреди, водопривреди и лєсарства вимагали же би принєсло Нарис мирох за ришованє пошлїдкох суши, з Министерства 4. септембра сообщене же таки мири можу буц принєшени по законченей жатва, засновани на прецизних анализох.
– Прето подношительох тих вимогох обвисцуєме же жатва важних културох, як цо то кукурица и соя, праве почала, та би було цалком нєфахово и нєодвичательно приношиц предкладаня на основи фиктивних податкох – поведзене у вияви з Министерства польопривреди, водопривреди и лєсарства.