НОВИ САД – Манифестация „Под корунами на Штранду” почина 16. юлия и будзе тирвац по 11. авґуст на новосадкей плажи Штранд.
Шести рок зашором Городска библиотека у Новим Садзе, Герор Медия Понт и Центер за розвой меншинских и локалних медийох орґанизую тото збуванє котре промовує язики националних меншинох, културу и обичаї меншинох котри жию у Войводини.
През язични роботнї котри ше буду отримовац кажди роботни дзень од 19 до 20 годзин у библиотеки на Штранду, дзеци возросту од 5 по 12 роки буду мац нагоду научиц двацец поняца дньово и упознац ше зоз културу и обичаями мадярскей, румунскей и рускей меншинскей заєднїци. Нове того року же на програми и ученє знаковного язика.