КОЦУР – Вчера, 6. марца, у Велькей сали Месней заєднїци у Коцуре домашнє Здруженє малинарох „Бачки малинаре” орґанизовало преподаванє о прикарми и защити, у першим шоре малинох, алє бешедоване и о прикармйованю и защити других польопривредних културох.
Хасновите преподаванє отримал проф. Милош Стоянович з Краґуєвцу, а представел и продукти „Аґромаркету”.
Преподаванє було интерактивне, та числени присутни поставяли питаня о шицким цо им нє було ясне у вязи з продукцию и защиту малинох.