НОВИ САД – По словох фаховцох, дотераз з кукурицу посадзени од 5 до 10 одсто поверхносцох з планованих милион гектарох, насампредз пре суху жем.
Условия за садзенє нарозширеншей житарки у Сербиї и Войводини нє у шицких крайох вигодни пре суху жем и як наглашує фаховец з новосадского Институту за землєдїлство и заградкарстово Ґоран Бекавац, кед нє спаднє озбильнєйши диждж сходзенє рошлїнох будзе барз очежане.
– З оглядом же жимски резерви влаги у жеми скромни, землєдїлци най водза рахунку о густосци шаца, односно, требало би зменшац густосц за 5 до 10 одсто – гвари Бекавац.
Фаховци совитую же би продукователє садзели гибриди кукурици хтори толерантни на сушу, з чим ше зменша евентуални утрати роду пре нєвигодну хвилю.