ЗАХОДНО И СИВЕРНОБАЧКИ ОКРУГ – На основи Ришеня Управи за ветерину Министерства польопривреди, од 1. новембра по 31. децембер у местох Заходнобачкого и Сивернобачкого округу будзе вакцинованє статку процив хороти белавого язика.
Вакцинує ше статок старши як три мешаци и овци старши як два мешаци.
Ветеринаре статок и овци буду вакциновац на два раз, статок у интервалє од штири тижнї, а овци у интервалє од три тижнї по першей вакцини.
Вакцинованє обовязне и безплатне, а шицки вакциновани животинї муша буц означени з марками на ухох. Означованє идзе на трошок власнїка статку.