ДЮРДЬОВ – У Дюрдьове вчера, пешираз тей жими, од вчас рана до поладня нападало понад 3 центиметри шнїгу, а до вечара и понад 5 центиметри.
Машини д.о.о. „Копово” зоз Жаблю, хторе першираз вжиме отримує драги, порозгартали шнїг на главних и локалних драгох у општини, так же су преходни, алє знята лєм верхня часц шнїгу, та драги шлїзки.
Драги по Дюрдьове очисцени, алє нє и дражки, насампредз у центре валалу опрез явних установох, алє и опрез обисцох на главней улїци. Стан дакус лєпши у других улїцох.
Главна драга спрам Темерину, Шайкашу и Бачкого Ґрадишта цалком очисцена и на нєй вчера нє було шнїгу. Тоту драгу отримує ЯП „Драги Сербиї”.