ШИД – Моцни диждж, хтори у шидскей општини нападал штварток вноци, прервал оберачку грозна у сримских винїцох.
Оберачка грозна пред даскельо днями почала и у винїци „Руски двор” д.о.о. и як за Рутенпрес гварел директор „Руского двору” Срдян Сокол, кед будзе красна хвиля, обчекую же грозно будзе пооберане до конца того мешаца.
Уж пооберане грозно шардоне, а тераз на шоре оберанє италиянского ризлинґу и кабернету.
Сокол оценєл же тогорочни урожаї грозна солидни, вельо лєпши як прешлого року, а квалитет грозна одлични, так же будзе и добре вино.