НОВИ САД – Наймладши танєчнїки з КУД „Тарас Шевченко” зоз Дюрдьова, внєдзелю 19. мая наступели на 18. „Беби Еґзиту” у Новим Садзе котри ше отримал на Петроварадинскей твердинї.
Вони виведли танєц „Мала баба три сини” и одшпивала шпиванку „Петрик и кандур”. За наступ их пририхтала їх уметнїцка руководителька Тамара Салаґ, а за виводзенє шпиванки уметнїцка руководителька Сенка Станкович. Младши фолклорни ґрупи дюрдьовского Дружтва поряднє участвує на „Беби Еґзиту”, а тота наймладша фолклорна ґрупа други рок за шором.
Пред початок програми дзеци зоз свою уметнїцку руководительку Салаґову прешейтали и туристично розпатрели Твердиню и нащивели Музей.