БЕОҐРАД – За ушоренє, односно ревитализацию драгох до польох у тим року буду видвоєни 357 милиони динари, сообщело Министерство польопривреди и защити животного штредку.
На предлог Министерства польопривреди и защити животного штредку, Влада Сербиї прешлого тижня прилапела Уредбу о утвердзованю програми виводзеня роботох на защити, ушореню и хаснованю польопривредней жеми за 2015. рок.
За инвестицийни и други укладаня у тей програми предвидзени 1,4 милиярди динари, з чого за набавку новей опреми за наводньованє 117 милиони динари.
Програма облапя и контролу плодносци обрабяцей польопривредней жеми, злєпшанє хемийних и биолоґийних характеристикох обрабяцей польопривредней жеми, комасацию, ушоренє (ревитализацию) дильовох и набавку новей опреми за наводньованє.
Управа за польопривредну жем розпише конкурс з хторим буду утвердзени критериюми и потребна документация за прияву на конкурс.