З особним рекордом, Катонова освоєла златну медалю

автор зам
1.1k Опатрене

НОВИ САД/РУСКИ КЕРЕСТУР – На Першенстве Сербиї за младших пионирох, хторе внєдзелю, 22. фебруара отримане у Новим Садзе, млада атлетичарка керестурского Русину Кристина Катона освоєла златну медалю у скаканю до висока. Кристина (народзена 2002. року), палїцу прескочела на 1,46 метери, цо єй нови особни рекорд, злєпшани за 5 центиметри.

На Першенстве Сербиї за младших пионирох участвовали атлетичаре народзени од 2002. по 2004. рок, а за Русин ше у штирох атлетских дисциплинох змагали дзешецеро, дзе спомнута Катонова єдина у конкуренциї дзивчатох.

13-Atl-02

У руцаню кулї змагали ше Тони Пашо и Неманя Ковачевич, у обегованю на 60 метери Неманя Стойков и Давид Надь, у скаканю до висока Микола Накич и Микола Папуґа, а у скаканю до далєка Деян Надь, Денис Будински и Дарко Надь.

Як и других атлетичарох Русину, и младших пионирох за змаганє пририхтала їх тренерка, професорка физичного у керестурскей Школи Саня Тиркайла.

ПОВЯЗАНИ ТЕКСТИ