През тот кратки текст потолкуєме як инсталовац руску тастатуру на компютеру.
За початок, треба превжац запаковану архиву зоз сайту www.rusini.rs
После знїманя файла, треба го одпаковац зоз WinRAR програму (лєбо даєдну подобну).
Кликнїце на превжати файл, а потим ше зяви шлїдуюци облак:
Треба кликнуц на сличку Wizard и вец вибрац дестинацию на котру сцеце одпаковац архиву и кликнуц на ґомбичку Finish.
Потим вам вискочи облачок зоз одпакованим фолдером rusinska до котрого войдзеце и порушаце Setup.
Випровадзице инсталацию до конца, дзе вам ше зяви диялоґ о успишно законченей инсталациї на котрим кликнєце ґомбичку Close.
Тераз треба активовац тастатуру, цо поробице на шлїдуюци способ:
У Start мению, у текст боксу: Search programs and files удуркаце
Change keyboards or other input methods и прицишнєце Ентер, односно кликнєце на ставку кед ше зяви.
На активним облачку тераз кликнєце Change keyboars…, а потим на Add… на шлїдуюцим.
Под язиком Serbian (Latin, Serbia) кликнєце на Show More… и найдзеце Ruthenian (Ruska) котру означице. Потим кликнєце OK и тераз маце активовану руску тастатуру.