РУСКИ КЕРЕСТУР – На приятельским змаганю хторе отримане внєдзелю, 1. марца, на фодбалским стадионє Яраш у Руским Керестуре, кадети ФК „Русинˮ поражени од ФК „ЦФКˮ зоз Вербасу, з резултатом 4:2.
Перши ґол за Русин у 20. минути дал Александар Тома, та бавяче на першу паузу пошли з резултатом 1:0. У другим полчаше процивнїцка екипа уруцела шейсцох нових бавячох, а понеже Русиновци на змаганє пошли у ослабеним составе, резултат у другим полчасу превагнул на бок госцуюцого тиму. После резултату од 3:1 за Вербащаньох, ище єден квалитетни ґол за Русин дал ознова Александар Тома, та ше тото приятельске змаганє закончело з резултатом 4:2 за госцуюцу екипу.
Русин наступел у составе – Чордаш, Драґутинович, Чонка, Максимович, Няради, Иличич Марио, Джуджар, Ковачевич Марко, Ковачевич Неманя, Иличич Лука, Надь, Тома, Зорич и Семан.
Шлїдуюце реванш приятельске змаганє будзе отримане на соботу, 7. марца, процив ФК „Гайдук” у Кули.