КОЦУР – Коцурска каплїчка, хтору ше уж длуги час будує коло православного односно нового руского теметова, конєчно докончена. Представнїки Општини Вербас, хтора була и инвеститор у тим проєкту на чолє з предсидательом Општини др Братиславом Кажичом, ключи од каплїчки придали предсидательови Совиту Месней заєднїци Коцур Желькови Бєланови, штварток, 27. авґуста
Кеди каплїчка урядово почнє робиц, хто ю будзе отримовац, кельо ше будзе наплацовац єй хаснованє и други провадзаци информациї буду познати аж после схадзки Совиту Месней заєднїци хтора будзе, як наявене, отримана шлїдуюцого тижня.