ЖАБЕЛЬ – Фонд за розвой польопривреди Општини Жабель пондзелок отворел конкурс за едукативне студийне путованє на саям Fieraagricola у Верони, у Италиї, хтори будзе од 3. по 6. фебруар.
Конкуровац можу власнїки польопривредного ґаздовства з активним статусом у прешлим року з териториї општини Жабель, як и члени фамилийного ґаздовства, найвецей двойо з фамилиї.
За одход на саям можу конкуровац и руководителє и заняти у ґаздовствох, як и закончени, лєбо студенти польопривредного факултету, тиж з жабельскей општини.
Конкурс тирва по пондзелок, 1. фебруар (до 10,30 г.), а вецей информациї мож видзиц на сайту Општини Жабель (www.zabalj.rs), лєбо их достац у Фонду за розвой польопривреди, на тел. 021/310-15-24 и 064/899-14-52 .