КОЦУР – Жатва жита у Коцурским хотаре при ґу концу, а парасти задовольни з резултатами, понеже штреднї урожаї коло 35-40 метери по гольту, цо вельо вецей як влонї, кед штреднї урожай бул за 10 метери менши.
И у Коцуре продукователє жита нє задовольни з його цену. На одкупних местох – у Землєдїлскей задруґи „Класка”, Роботней єдинки подприємства „Либела продукт” и маґазину подприємства „Фарм кооп” авансна цена за килограм коло 16 динари, а после обявйованя конєчней, польопривреднїки ше наздаваю доплацованю.
Коцурски огньогасци виявюю же тей сезони у жатви дежурни на польох за тераз нє замерковали анї єден огень.