НОВИ САД – Директор Покраїнского фонду за розвой польопривреди у Войводини Йожеф Сабо и польопривреднїки вчера подписали контракти о даваню кредитох за набавку новей приключней механїзациї у 2015. року. Кредити одобрени и двом нашим польопривреднїком з Руского Керестура и єдному з Дюрдьова.
За три роки Фонд реализовал вецей як 880 кредити за набавку погонскей и приключней механїзациї, та додзелєни 370 трактори и 520 приключни машини. Заменїк директора Фонду Стоян Маринкович гварел же одобрени 153 кредити, а интересованє було вельо векше, цо указує же каматна стопа кредиту од єден до два одсто барз вигодне условиє.
З Польопривредного фонду наявени и три нови конкурси – ище єден за додзельованє кредитох за набавку новей польопривредней механїзациї, конкурс за подзвигованє вецейрочних засадох у овоцарстве и конкурс хтори ше будзе одношиц на пчоларство