НОВИ САД – Асоцияция млїнскей и пекарскей индустриї Житовойводина од министерки польопривреди Снежани Боґосавлєвич Бошкович вимага же би условиє за доставанє субвенцийох за продукцию жита було хаснованє декларованого сортного нашеня, преноши Бета.
У писму министерки Житовойводина наведла же пред 30 роками штреднї урожаї були векши як нєшка, а єдна з причинох то же ше на коло 50 одсто поверхносцох шеє жито чийо нашенє нєдеклароване, односно зоз „житом з пойда”.
Чкоду ма и держава, бо за таке нашенє польопривреднїки нє плаца ПДВ. Так за 600 000 гектари жеми потребни 150 000 тони нашеня, а кед половка того нашеня „з пойда”, держава ощербена за 180 милиони динари.