СРИМСКА МИТРОВИЦА – Дружтво Руснацох зоз Сримскей Митровици вчера отримало свою традицийну програму з назву „Мацери Рускинї”.
Програма отримана у Театру „Добрица Милутинович”, а привитни слова домашнїм и госцом на початку висловели представнїк городскей управи Томислав Янкович и народна посланїца и членїца Националного совиту Руснацох Олена Папуґа.
На програми учествовали Мишана шпивацка група Дружтва Руснацох, под диригентством Станислави Будишин, дзецинска шпивацка група „Гвиздочки”, шпивацки дует Станислава Будишин и Владимир Костич и рецитаторе з ОШ „Йован Попович”, котрих рихтала професорка руского язика Моника Абодї Митрович.
Як госц на програми наступел Тамбурови оркестер „Сирмиумарт” з Митровици, а после програми Дружтво Руснацох орґанизовало друженє за шицких учашнїкох и публику.