ДЮРДЬОВ – После нєдавно отриманей рочней Скупштини, на першей схадзки Управного одбору КУД „Тарас Швеченко” з Дюрдьова, отриманей штредком тижня, дотерашнї предсидатель Управного одбору и КУД Микола Кухар знова вибрани на тоту длужносц, а за заменїка пресидателя ознова вибрана Сандра Барань.
Управни одбор бешедовал и о орґанизациї нєшкайшого Балу широких сукньох, о порядним Осмомартовским концерту, поволанкох за госцованє и других активносцох вязаних за роботу секцийох.
Пририхтуюци ше за Бал широких сукньох, члени Управного одбору КУД, члени Дружтва и други, вчера на забивачки пририхтали месо за тоту подїю, а того року то поробене у обисцу Тараса Чапку.
