РУСКИ КЕРЕСТУР – У другим колє ярнєй часци першенства Подручней фодбалскей лиґи Зомбор внєдзелю, 14. марца, ФК Русин победзел екипу ФК Маґлич зоз Бачкого Маґличу з резултатом 3:1 (1:1).
Домашня екипа почала водзиц у 13. минути зоз ґолом Чернок Деяна, госци вировнали резултат у 41. минути, а ґол посцигнул Сантрач Ґойко.
У другим полчаше домашнї почали водзиц у 64. минути кед ґол посцигнул Бранкович Боян, а треци ґол зоз билей точки у 85. минути, за Русин потрафел Даноєвич Душан.
После тей побиди Русин остава на 4. месце на таблїчки зоз 38 бодами, а на соботу 20. марца у трецим колє госцує у Бачким Ґрачцу процив екипи Борца.