Парасти и далєй на драгох

автор ртв/зам
976 Опатрене

НОВИ САД – Предсидатель Асоцияциї польопривреднїкох Мирослав Киш виявел вчера же парасти, котри як знак протесту процив вименкох Закона о польопривредней жеми з тракторами и далєй на войводянских драгох, поволали министерку польопривреди Снежану Боґосавлєвич Бошкович же би ше з нїма зишла най єй потолкую причини протесту, алє же вона на поволанки парастох ище нє одвитовала.

Вчера вечар министерка польопривреди Снежана Боґосавлєвич Бошкович прейґ ТВ Б92 поволала нєзадовольних польопривреднїкох же би нєшка пришли на розгварку о предложених вименкох спомнутого закона, медзитим, Киш гварел же вони обчекую урядову поволанку, а нє прейґ медийох, понеже ше, як гварел, здруженя польопривреднїкох до ресорного  министерства обрацали урядово, цо обчекую и од министерки.

Киш за РТВ виявел же вчерайши протест парастох бул наймасовнєйши дотераз, и попри тим же им полиция бранї гонїц по драгох. Наявел же нєшка на 10 годзин польопривреднїки знова руша з тракторами на драги и поручел же їх вимога поцагованє Закона о польопривредней жеми з процедури.

ПОВЯЗАНИ ТЕКСТИ