КОЦУР – У коцурскей грекокатолїцкей церкви вчера 22-ойо дзеци прияли Першу Причасц. За тоту важну подїю у їх живоце пририхтали их вироучителька Ксения Бесерминї, з помоцу часней шестри Михаили Воротняк.
Дванац хлапцох и дзешец дзивчата першираз попричащал парох коцурски о. Владислав Рац, а по Служби Божей дзеци обишли коло церкви руцаюци свят. На законченю шветочносци за нїх орґанизовани и заєднїцки фриштик.
