ЖАБЕЛЬ – Концом прешлого тижня у Општини Жабель отримана схадзка представительох полициї з Полицийней станїци Жабель, Польочуварскей служби, представительох шицких штирох совитох месних заєднїцох у местох општини и члена Општинскей ради задлуженого за польопривреду о застановйованю крадзох польопривредних урожайох у хотаре општини, хтори виразнєйши з початком єшеньских роботох.
Попри векшей координованєй заєднїцкей роботи польочуварох и полициї, заключене же им у охрани урожайох активнєйше муша помогнуц и гражданє, котри, кед обача подозриви особи и превозки у хотаре, най поволаю полицию. Волац мож на числа телефонох (з мобилного) на 021/29-30-434, а з фиксного на 192.
Тиж порадзене же пре удатнєйше зоперанє крадзох, локална самоуправа анґажує дополнююце число особох.