РУСКИ КЕРЕСТУР – У керестурским хотаре тей єшенї пошате за 20 до 30 одсто вецей жита як влонї, насампредз пре тогорочни добри урожай и квалитет зарна.
Прешлого тижня векшином закончена и ламачка кукурици, а на слабши род уплївовала суша, так же штреднї урожай у Керестуре бул од од 6 до 8 тони по гольту.
Урожай цвикли „подруцел” аж до 40 одсто, нєчистота велька, зоз штредню диґестию 14,5. Того року було менєй цвикли як влонї, а нарок вироятно будзе ище менєй, понеже дзепоєдни векши продукователє з Керестура одуставаю од шатви цвикли.