ШИД – Општинска виберанкова комисия Шид вчера преглашела лїстину колаициї „Час за пристойних людзох”, хтору творя Демократска странка (ДС), Лиґа социялдемократох Войводини (ЛСВ), Социялдемократска странка (СДС), Желєна еколоґийна партия-Желєни (ЖП-Ж) и Либерално-демократска партия (ЛДП).
Предсидаль Општинского одбору ДС Живан Мирич гварел же на лїстини нєкомпромитовани людзе и фаховци, та же обчекує потримовку гражданох и побиду на виберанкох.
Подпредсидателька СДС Наташа Цвєткович виявела же тота коалиция порихтана превжац водзенє општини и злєпшац животни стандард гражданох, а на вчерайшей конференциї за новинарох у Општинским одборе (ОО) ЛСВ, подпредсидатель ОО Лиґи Ратко Торма гварел же ЛСВ на лїстини ма дзевец кандидатох за одборнїкох у Скупштини општини Шид, кельо ма и ДС, СДС и ЖП-Ж, док ЛДП ма трох кандидатох.
