РУСКИ КЕРЕСТУР – Жатва жита у рускокерестурским хотаре почала коло 26. юния, а тидзень пред тим спадли перши класки ярцу.
Ярцу у Керестуре нєт вельо, векшину статкаре потарґовели медзи собу, а тих дньох и жатва жита уходзи до своєй остатнєй фази.
Квалитет зарна жита добри, а урожай, мож повесц, рижнородни, од 3,5 до 5,5 тони по гольту. Гектолитерска маса у юс стандарду, просеково коло 80, док примеси до 3 одсто.
Кед слово о хоротох и чкодлївцох, того року парасти нє мали озбильнєйши проблеми, та найвекши проблем будзе нїзка одкупна аконтна цена жита хтора виноши 20 динари по кили.
Ґенерално продукователє нєзадовольни зоз цену, як гваря, требала би буц голєм 25 динари, з оглядом на тото же трошки шицкого, та и укладаня, звекшани, а цена роками остава приблїжно иста.